Muskaane Jhooti Hai

Hoton pe ek phiki si muskaan hai,

Aankho mein Satrangi Sapno ka aasman hai.

Dil mein jhaakne ki koshish mat karna

Dil behak na jaaye, yeh toh nadaan hai.

Haathon mein qatal ka samaan hai,

phir bhi meethi teri zubaan hai.

Dil mein utarne ki itni koshish karna,

hi teri beimaani ka farmaan hai.

Paon mein chalta ek registaan hai,

sard pasino mein sangharsho ki dastaan hai.

Dil pe jyada dastak na de,

dil mein chuppa barfila ek toofan hai

----

Peishani pe aayi tere, lakeero ka nisshan hai

Kis baat ko lekar itna tu hairan hai?

har takrir [baat] pe itni jirah na kar,

tu kachehri nahi, fakat ek insaan hai.

Instagram | X | Facebook

NumeroUnity